ساعات الصبح تلاقى نفسك مخنوق
لاعارف انت لوحدك ولا وسط سوق
تقوم من سريرك باصص لفوق
اوتقعد شوية لحد ما تفوق
وفجاة تقوم من غير كلام
عمال تفكر على شوية الايام
اللىسبتها تعدى من غير حتى سلام
ودلوقتى بتشوفها ولا شريط افلام
بتنزل ميت ومش عايز تقوم
كانك فى بحر ومش عارف تعوم
وعمال تتعلق بحاجات ملهاش لزوم
وشغلك كرهيته وسيبته خلاص
مبقاش فى ضمير ولا شغل باخلاص
والموظفين فى مكانهم زى الاقفاص
عايزين بجد ينضربوا بالرصاص
والحال ده للكل وبقاله كتير
الناس كلها مش عايزه تقوم من السرير
عايزة تثبت نفسها فى مكانها بمسامير
عايزة تنام وتريح نفسها من التفكير
هو فى حياة يا جماعة من غير الم
من غير عذاب وجرح وندم
انسى اللى فات بقى وابتسم
ده الحياة فانية وبقولهالك بقسم
4 التعليقات:
الناس كلها مش عايزه تقوم من السري
هههههههههههههه ... انت بتقول فيها ... انا لما بنام بجد ولا الطبل البلدى بيصحينى
-------------------
لخصت الحياة اللى الموظفين عايشينها فى الكلمتين دول ... ويمكن ده اللى خلى الحكومة تقول خصخصة واحنا مش قادرين نقولهم حاجة
شكرالك اخى زيزو بجد شكرا على مرورك
منورنى فى المدونة
تقبل مرورى وتحياتى
مدونتك جميله وكلماتها لها طابع مميز
خالص تقديرى ودعواتى بالتوفيق دائما .
دمت بخير وفى رعاية الرحمن
تحياتى
rovy
متشكر لك اختى روفى على مرورك الجميل ده منورانى طبعا فى مودنتى ولك جزيل الشكر والاحترام على ردك شكرا لمرورك مرة تانية
إرسال تعليق